اوزاق یول

X

اوزاق یول

اوزاق یول

قاشقایی شعری


قدغن ایله یرلر دوداغینگی دانیشمایانگ تورک دیلینی بو دیل بوردا قدغن دیر یاد ائدمه ینگ گچن لردن گچن گوندن دانیشمایانگ یارارلار روح و تن اینگی گچمه یه گوینونگدن خییال کی من ائلی چوخ ایسترم اوره گینگه قویارلار داغ، چکرلر دیلینگه قمچی سئومه ینگ سن آغیر ائلی سئومگ بوردا قدغن دیر اومودومونگ گول لالاسی دیلی شیرین ائل بالاسی اولمایانگ آنادان بیردن بوردا اؤلمه گ عیبی یوخدور آمما اولماگ قدغن دیر اوزاق یوللار اوزو قره چؤللر دومان، داغلار قارلی باغچا پوزغون گول گولونجو گولومسنمه گول اوزونه بوردا گولمه گ قدغن دیر گچمیش اولسا بیر تورکو سیز دیلینگ اوستوندکی یولدان ایله یرلر دوداغینگی چکرلر دیلینگه قمچی دانیشمایانگ تورک دیلینی بو دیل بوردا قدغن دیر قاری آنام قالدی چؤلده چاینادی بیر یالان ریمیز چوروموش آغ بیرچگینی آتالاردان دانیشمیرام نه صوولت دن نه سرداردان نه چؤللردن نه چیناردان نه آسلاندان نه قافلاندان دانیش گؤرکودن تیلکی دن کی آسلاندان قدغن دیر قاخارام «ارسلان» اینان تاخارام بیر ایتی خنجر آیریلیغا یالغیزلیغا گلر شادلیق بو تئزلیگه اؤزونگو وور بیلمزلیگه بوردا بیلمه گ قدغن دیر
+ نوشته شده در یکشنبه بیست و ششم آبان 1387ساعت 18:10 توسط ارسلان میرزایی \|

	شعر
E_mail گؤزلریم ایمک له نیر سن منیم مئیلیمی یاز بیر آرا وئرم سنه منیم E_mail ایمی یاز سیستمی آلیشدیر گئنه اوچ دانا W یاز منیم آدیم ارسلان بیر جه نوقطه دالیندان اولموشام دوشمنه com. باخدی آهو گؤزو جادو دئدی: Yahoo … ادامه مطلب
+ نوشته شده در شنبه بیست و پنجم آبان 1387ساعت 10:17 توسط ارسلان میرزایی \|


ائلي سئو سن اگر ائلی سئونگ ائل سئور سنی ائل اگر سنی سئوه باخمايانگ ياشیـل اوجالار سن گـون باتان گؤلکه سي کيم عومرونگ قیـسا * ایـشیـغـیـنگ آلچـاق گئجه يولدا اولدوزوم اوجال آلـچیـن کيمي اول آلیـجـﻰ قوش سن ائلي سئو * بورماغیـنگ گؤز ياشیـلاری دولاندا او سازیـنگ سيمي چايیـندا شيدا بولبول چيله ينده سنينگ او گـول بوغازیـنگدا گئدن آغیر ائلي ياد ائد هم سازا سال سن گؤزه ليم هم ديله چال سن *** سن اگر ائلي سئونگ ائـل سئور سني باخ ائله ياشیـل ائلي سئو سن اولانگ ائل دیـريلر ائل اولماسا سن اؤله رنگ ائلي سئو سن ائلي سئو سن، ائلي سئو... 1384_ شيراز گئدن آغیر ائل: بیر آهنگ آدی
+ نوشته شده در جمعه بیست و چهارم آبان 1387ساعت 17:19 توسط ارسلان میرزایی \|

	شعر
قاشقایی بیلیجی سی اوستاد اسداله مردانی رحیملی ایچی سلام سنه ائل کیشی سی من سنه قوشما یازارام صبرینگی بیر داغ کیمی من عزمینگی دریا یازارم سن دیلیمی کیتاب ائتدینگ عیشقی "پا به" ریکاب ائتدینگ ائلیمه جان خطاب ائتدینگ من سنی دونیا یازارام عیشقینگ اوره گ ایسی وئرر جان گله جگ ایسی وئرر الیم چیچک ایسی وئرر آدینگی من تا یازارام سن ده یرلی عام سؤزونو او قدیم کی شام سؤزونو یازمیشانگ آتام سؤزونو من سنه آتا یازارام گؤردوم ائله جان وئریرنگ ائلده اؤله جان وئریرنگ آغزدا دیله جان وئریرنگ روحونگو عیسا یازارام سن اولوسوم سؤزلوگونو ائل، مونوسوم سؤزلوگونو رسم و روسوم سؤزلوگونو یازمیشانگ آیا، یازارام چاغیردام شاه_ ی مردانی بیزیم ائل شاهی، مردانی اولمایا غم پریشانی یوز داها_ ثانا یازارام ارسلانینگ سؤزو سننگ سن عیشقیمینگ اؤزو سننگ آغیر ائلینگ گؤزو سننگ من سنه قوشما یازارام
+ نوشته شده در جمعه بیست و چهارم آبان 1387ساعت 17:17 توسط ارسلان میرزایی \|

	آي عکسي
ديشـده گــؤردوم نازلـﻰ گـؤزه ل اوزو بــويــاق ائتميــش گليـــــر بــولـور نـازیـــک بورماقـــلاری زولفــــا داراق ائتميـش گليـــــر آي چالمیـش اون دؤرد ياشیـندا آي عکســـي گــــؤزو ياشیـنـدا قـــره نگـــي شــامـلار دؤشونده اوزو چیــــراق ائتميـش گليـــر گليــر بيــر شـوخ صیـفاتیــنان اوچمـــوش ياشیــــل قاناتیـنان قمچيـــی لئيــر کهـــر آتیـــــنان چــؤلــده دولاق ائتميش گليـــر اوزو،گــومـوش دوداق، قيـزيــل بيـــر گــونـو باشـیـنا بيـر ايـل اتّکينــده بيــر قـــه وده گــول داغـﻰ تــورپـاق ائتميـش گليـــر گـــؤتـورمـش ساز و ساغلیـغـﻰ باشــلامیــش دامـاق چاغـلیـغـﻰ افسيـــليــر باشـــدا ياغـلیـغـﻰ ياشـیل بايــداق ائتميش گليـــر گـــول الــده ساچـــلاری بئـلده ســـوورولــور تئـــللــري يئــلده ياتمــامیـش بيــر اوزاق چـؤلده گــــؤزو اويـــاق ائتميش گليــــر گؤينــوم سئـويردي قـوينــونــو قــولـوم صــوراحـﻰ بــوينــونــو لايــلانـمیش دلـي گـؤينـــینـی بيــزده ســوراق ائتميـش گليـــر گـــؤزوم گــؤردو بـو شــولـوغـو جانـیـم وئــرديـم مـوشتـولـوغـو آرامـیزدان آيــریـلیـــغـــﻰ گــؤزه ل ايـراق ائتميــش گليـــر ايسّيــدميــش يانیـردی تنيــم ديشـــده گــؤردیم گـول بدنيـم رقـيـبــــلـر يانــیـنـدا مـنيــم اوزومو آغ ائـتـميـــش گليـــر
+ نوشته شده در شنبه هجدهم آبان 1387ساعت 20:23 توسط ارسلان میرزایی \|