1024x768

قاييردام جونون اه‌ويني

 

قاييردام جونون اه‌ويني

بنّا اؤزوم، معمار اؤزوم

ايچرم عيرفان مئي‌يني

مئي اؤزوم مئي گوسار اؤزوم

محويسم محو_ ي ديدارام

رئنديسم رئند_ ي خومارام

مستيسم مست_ ي هوشيارام

مست اؤزومم، هوشيار اؤزوم

سؤز آچماز رئند و سيرداشام

مئي ايچمز رئند و قلّاشام

اؤزوم اؤزومه يولداشام

تار اؤزومم، سيتار اؤزوم

من جهانام جهانيم يوخ

لامكانام مكانيم يوخ

باخما سر و سامانيم يوخ

سر اؤزومم، سردار اؤزوم

بيجا گؤز ياشيني سيلمم

مصلحت دير چارا قيلمم

نيجه اؤز درديمي بيلمم

طبيب اؤزوم بيمار اؤزوم

كوون و مكاني گزميشم

دوست ايچون باغريم ازميشم

من بينوا بيلمزميشم

دل اؤزوم دلدار اؤزوم

مأذون اؤزومو خوار ائتديم

عاشيقليق ايختييار ائتدم

جان جانانا نيثار ائتدم

جان اؤزوم جان نيثار اؤزوم

 

 

 

 

 

 

Qayyıram cunun evini

 

Qayırdam cunun evini

Benna özüm mé'mar özüm

İçerem irfan méyini

Méy özüm méygusar özüm

Mehvisem meh_ é didaram

Réndisem rénd_ é xumaram

Mestisem mest_ é huşyaram

Mest özümem huşyar özüm

Söz açmaz rénd o sirdaşam

Méy içmez rénd o qellaşam

Özüm özüme yoldaşam

Tar özümem sitar özüm

Men cahanam cahanım yox

La mekanam mekanım yox

Baxma ser o samanım yox

Ser özümem serdar özüm

Bica göz yaşını silmem

Meslehetdir çara qilmem

Nice öz derdimi bilmem

Tebib özüm bimar özüm

Kown o mekanı gezmişem

Dost içun bağrım ezmişem

Men bineva bilmezmişem

Dél özümem déldar özüm

Me'zun özümü xar étdim

Aşıqlıq ixtiyar étdim

Can canana nisar étdim

Can özüm can nisar özüm

 

وئبلاک یازان _ ارسلان میرزایی - شنبه بیست و چهارم مهر 1389 ساعت 12:34 موضوع لار | ثابت لینکيم